Englishكأنثى سورية بحياتها ما رح تضطر تخدم بالجيش ما كان عندي الرعب تبع العسكرية بس كنت كتير متعاطفة مع الرجال الي كانت تحكي قصص رعب من ايام انجبرو يخدمو فيها من أيام الحرب بلبنان و جر. و الشباب الي ايدها على قلبها من انو تخدم بمكان ما حدا بيعرف وينو او يطلعلن ضابط من ذوات العقد النفسية التفششية.
كان شي فعلا كارثي على مستقبل الشب. سنين من حياتك بهدلة و ذل الا طبعا اذا مشيت امورك بواسطة بهدية بسجاير للرتب الاعلى منك لحتى تكون اقامتك الطف. يا اما بتضطر تسافر و تتغرب و تلم فلوس فوقك و تحتك لتدفع البدل و تكسب مستقبلك متل ما عمل كتير من جيل اهلي
بس الي ما توقعتو انو باخر كم سنة لما صارو عم يلمو للعسكرية.. الشباب القليلة الي ضلت بالبلد و الي ما الها حدا يساعدها و حابين يكملو دراسة او شغل او ايا شي.. في منهن لجئو للسمنة!
في شباب زادت وزنا كتير كتير مشان ينرفضو من الجيس بسبب اللياقة.
الشب وصل لمرحلة لا فينو يسافر و لا فينو يدفع بدل ولا قدران يهرب من العسكرية الا بانه يضحي بصحتو.