Englishتشابه أسماء…. كلمتين بيرعبو اي شخص سوري بشكل خاص او عربي بشكل عام لما يكون واقف على كاونتر جوزات الحدود سورية برا او جواً او بحرً. ياما ناس كانت على هل طابور و انحكالهن تفضلو معنا و ما عاد حدا عرف وينون.
كل صيفية كنت انزل على الشام متحمسة انو رح شوف سيرك المجانين (الي هنن خالاتي و خوالي و اعمامي و عماتي و ستاتي و اجدادي) و بس اوصل و صير بارض الوطن و وقف بطابور الجوازات… بتبلش حالات القلق و بحاكي حالي انو ولي هلق يقلولي تشابه اسماء و مين بدو يلاقيني و شو التهم الي رح يلزئوها فيني. بقرب الدور و بقول لحالي خلص رواق مافي داعي نعمل حالة هلع و لا يبين الخوف.
بوصل على الكاونتر حسب مزاج الضابط الي مقابيلي طبعا. بنسئل كم سؤال و بقلولي تفضلي و بس اخد جواز السفر بصير بدي امشي بسرعة بس بدون ما بين اني عم اتحرك متل الراقصات الشركسيات على خشبة المسرح .
و كل مرة بوقف عم استنى الشناتي و بحكي مع حالي… لك على شو متوترة اسمك الاول لحالو في منو 5 بالعالم 3 منهن ختايرة بال80 و اسمك الكامل مستحيل يتكرر .
يس خلص الخوف المتوارث اقوى من المنطق بهيك لحظات. نفدنا